تغير الموقع إلى WwW.TouriZma.Com

بعض المعلومات عن شركات الطيران والسياحة لطلاب قسم دراسات سياحية

اذهب الى الأسفل

بعض المعلومات عن شركات الطيران والسياحة لطلاب قسم دراسات سياحية

مُساهمة من طرف ابن سياحة المنيا في الثلاثاء أغسطس 18, 2009 2:12 am

بصرااااااااحة انا عايز احكيلكو شوية عن حاجات وخاصة لقسم الدراسات السياحية
او لمن هم هاويين فى العمل بشركات السياحة والطيرااااااااااااان
معرفتش انزله فى اى قسم بس لقيت دة مناسب لانه يعتبر ايضا من اساسيات الجودة فى التعليم

هكلمكم انهردة عن شركااااااات الطيران وشركات السياحة هحكيلكو شوية عنها واللى عنده سؤال تحت امره

اولا شركات الطيـــــــــــــــــــــــــــــــــــــــــــراااااااااااااان


ها اقولكم بعض المعلومات عن شركات الطيران
لكي تحصل علي عمل في احد شركات الطيران لا بد ان تتوافر فيك عده اشياء اهمها
1- اتقان اللغه
2- السرعه في اداء العمل مع الحذر من الوقوع في اخطاء
لان اي خطا انت الذي ستتحمل ثمنه

ماهي اقسام شركات الطيران
مبدئيا اي شركه طيران هيكون فيها عده اقسام
1- قسم الاستقبال
موظف قسم الاستقبال هو من يقوم باول تعامل مع العميل اي هو من يلتقي بالعميل كوجهه للشركه
في البدايه ها يستمع لرغبات العميل لمعرفه اي من اقسام الشركه يحتاجها العميل ويتم ارشاد العميل الي القسم الذي يريده
يعني هو الوجه الباسم للشركه ولابد ان يكون لبق ويتقن علي الاقل اللغه الانجليزيه
2- قسم الحجز
هو اهم قسم في شركه الطيران لانه تتم به كافه الحجوزات
طيب موظف الحجز بيعمل ايه يعني ؟
موظف الحجز هو اللي بيقوم بحجز تذاكر الطيران للعميل يعني يقوم باخذ كل رغبات العميل في السفر
ويقارن رغبات العميل بالانظمه المتاحه لديه من خطوط الطيران
للعلم خطوط الطيران يعني الشركات التي تمتلك الطائرات مثل الخطوط المصريه الخطوط القطريه الخطوط الخليجيه وهكذا
طيب موظف الاستقبال يعني اي حد ولا حد معين ؟
موظف الاستقبال لازم يكون حاصل علي كورسات انظمه طيران
زي الاماديوس - السابر وفي انظمه تانيه بس تقريبا النظامين دول هما اللي بتعمل بيها معظم الشركات
اللي وضع الانظمه دي هي الاياتا *الهيئه الدوليه للطيران *
طيب علشان تتعلم النظم دي بتروح لاي شركه طيران وبتتعلم العمل علي السيستم ده
ده نظام متصل بالخطوط الجويه مباشرا يعني موظف الحجز بيكون قاعد علي مكتبه امامه العميل
العميل يبدا يملي رغباته في السفر يعني مثلا
الدرجه المناسبه ليه يعني
frist class - business class - economy class
الدرجه الاولي - درجه رجال الاعمال - الدرجه الاقتصاديه
كمان هو عايز يكون ضمن رحلته ترانزيت ولا لا
طيب نظام الوزن - اهم شئ العميل يرغب في السفر علي اي خطوط طيران

موظف الحجز فاتح امامه علي النت سيستم الحجز المعمول به في الشركه سواء اماديوس او سايبر
ويبدا يعمل للعميل حجز علي هذا النظام ويوفق رغبات العميل مع خطوط الطيران المناسبه
يعني مثلا لو العميل مش عايز يكون ضمن الرحله ترانزيت
هناك خطوط الطيران الخليجيه بها ترانزيت
اما مثلا مصر للطيران ليس بها ترانزيت وطبعا بتفرق في السعر
يعني الموظف بيقوم بتنظيم رغبات العميل علي النظام ويبدا يعمل الحجز
وياكد الحجز للعميل ويستخج التذكره الالكترونيه للعميل وبيبقي شكلها زي اي ورقه بيضاء
بس مكتوب فيها اسم العميل
نقطه بدايه الرحله ونقطه الوصول
خط طيران الرحله
الوزن المسموح بيه وكل البينات وبيستلمها العميل
بس اي خطا في اي من خطوات الحجز او رغبات العميل موظف الحجز هو من يتحمل هذا الخطا ماديا


وتعالو دلوقت يلا بينا نحكو شوية صغننين عن شركات السياحة


ايه هو الفاوتشر voucher ?
بص لما العميل بيروح لاي شركه سياحيه علشان ياخد برنامج سياحي طبعا الشركه هي اللي بتحجز له كل حاجه يعني الفندق انتقالاته
وكل حاجه خلينا في الفنادق
لما الشركه بتحجز في الفندق بتدي للعميل الفاوتشر ده
واللي هو زي ايصال لتاكيد الحجز في الفندق وبيبقي مكتوب فيه كل معلومه عن الغرفه
يعني نوعها مثلا الوجهه بتاعتها كده يعني اوك
يبقي شركات السياحه هي اللي بتدي الفاوتشر ده

ليه شركات السياحه بتدي الفاوتشر ده ؟
يعني لتسهيل الاجرائات الماليه لشركات السياحه و الفنادق
بمعني هو زي الفلوس بمعني ان العميل بيستلم الفاوتشر واول ما يوصل للفندق يعطي الريسبشن
الفاوتشر يعني كانه دفع الفلوس كده والحساب يبقي مباشر من الشركه السياحيه للفندق
هو بياكد للفندق ان العميل حاجز غرفه في الفندق ده بمقتضي الفاوتشر ده

طيب انت عارف انه لو ضاع احنا ها نلبس الثمن
لان كده الغرفه محجوزه والحجز ماشي لغايه انتهاء المده الفاوتشر ده انت بتطالب بيه شركه السياحه علشان تاخد فلوسك
لو الفاوتشر ده مش معاك شركه السياحه ها تقولك ايه يثبت اني بعتلك عميل من عندي او انك ليا عندي فلوس و ممكن تقولك مالكش حاجه عندي وساعتها انت اللي ضيعته انت المسؤول ماديا امام الفندق
كده تمام يترب اكون عرفت اوضح صح


طيب مين هو الترانسفير ؟
يعني كل انتقالات السائح سواء كانت قصيره يعني مثلا من المطار للفندق او العكس او الانتقال من
الفندق لاي مزار داخل نفس المدينه
او الطويله يعني من مدينه لمدينه تانيه
ايه هو الترانسفير مان ؟
هو الشخص اللي بيكون مصاحب للفوج السياحي من اول خروجه من المطار
حتي وصوله للمطار لمغادره البلد يعني هو المسؤل عن كل وسائل انتقال السائح او العميل
يعني هو مسؤل الاستقبال والتوديع


مين هو التور ليدر ؟
هو المرافق للفوج السياحي في كل تحركاته
مزارات وسائل نقل فنادق جولات حره وهكذا هو بقي قائد المجموعه
عارف كل تفاصيل الرحله وما هو مسموح به وما هو غير مسموح به

المواصفات للوظيفتين ؟
بص الوظفتين تقريبا بيحتاجوا لنفس الموصفات في الشخص
1- اتقان اللغه بطريقه فوق الممتازة
2- لبق الا ابعد الحدود
3- حسن المظهر هو اولا واجهه للبلد ثانيا هو اهم واجهه للشركه بتاعته
4- مثقف ومتحضر وخلوق
5- سريع التصرف و سرعه البديهه
لو حصل اي موقف او اي مشكله يكون سريع في التصرف والبعد عن الخطا
6- ذكي
7- يتجنب النقاش في امور الدين والسياسه
8- بشوش جدا


يارب اكون افدتكم يا احلى شباب شباب سياحة وفنادق

لكم منى ارق واطيب التحية
مصطفى
avatar
ابن سياحة المنيا
طالب مبتدىء
طالب مبتدىء

عدد الرسائل : 80
العمر : 30
نقاط : 88
تاريخ التسجيل : 17/08/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بعض المعلومات عن شركات الطيران والسياحة لطلاب قسم دراسات سياحية

مُساهمة من طرف الاجنبى في الثلاثاء أغسطس 18, 2009 1:21 pm

شكرا على موضوعك
بس ممكن استفسار
كل الاعمال ده من تخصص الدراسات السياحيه فقط على كده القسم ده جامد

الاجنبى
طالب جديد
طالب جديد

عدد الرسائل : 3
العمر : 27
نقاط : 5
تاريخ التسجيل : 17/08/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بعض المعلومات عن شركات الطيران والسياحة لطلاب قسم دراسات سياحية

مُساهمة من طرف ابن سياحة المنيا في الثلاثاء أغسطس 18, 2009 3:22 pm

بص يا اجنبى هو مش بس الاعمال دى للقسم دة دة اكتر بكتيييييييييييييييييييير
بس انا بكتب اللى بتفكره منه
ثانيا مش بس القسم دة اللى جاااااااااااامد
انا لو فصلتلك عمل قسم الدرااسات الفندقية مثلا هدو من الكلااااااااااااااام
والاقسااااااااااااااااااااام
اساسا العمل فى السيااااااااااااااحة عمييييييييييييييييق ملهووووووووش كبيييييييييييير

نورتنى يا مان
avatar
ابن سياحة المنيا
طالب مبتدىء
طالب مبتدىء

عدد الرسائل : 80
العمر : 30
نقاط : 88
تاريخ التسجيل : 17/08/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: بعض المعلومات عن شركات الطيران والسياحة لطلاب قسم دراسات سياحية

مُساهمة من طرف ly ly في الأربعاء أغسطس 19, 2009 11:38 am

مرسى اوى يادرش على المعلومات اللى اكيد فادتنى جدا

وهاتفدنى فى تدريبى السنادى بقى ان شاء الله

تسلم ايدك

وياريت لو معلومات كمان ياريت هنتعبك وتجبهالنا
avatar
ly ly
طالب جيد جدا
طالب جيد جدا

عدد الرسائل : 849
العمر : 27
احترام قوانين المنتدى :
نقاط : 1017
تاريخ التسجيل : 18/07/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى