بعض رباعيات صلاح جاهين

من طرف جرحنى وبكا الأربعاء يوليو 15, 2009 9:38 pm

[size=18]حاسب من الاحزان
حاسب من الاحزان وحاسب لها
حاسب على رقبيك من حبلها
راح تنتهى ولا بد راح تنتهى
مش انتهت احزان من قبلها؟
عجبى!!!!!!!!!

يأسك وصبرك بين اديك وانت حر
تيأس ما تيأس الحياة راح تمر
انا دقت من دا ومن دا عجبى لقيت
الصبر مر وبرضك اليأس مر
عجبى!!!!!!!!!!!

ولدى نصحتك لما صوتى اتنبح
متخفش لا من جنى ولا من شبح
وان هب فيك عفريت قتيل اسألة
ما دفعش لية عن نفسة يوم ما اندبح
عجبى!!!!!!!!!

ولدى اليك بدل البالون ميت بالون
انفخ وطرقع فية على كل لون
عساك تشوف بعنيك مصير الرجال
المنفوخين فى السترة والبنطلون
عجبى!!!!!!

خوض معركتها زى جدك ما خاض
صالب وقلب شفتك بامتعاض
هى كدة ...ما تنولش منها الامل
غير بعد صد ورد ووجاع ومخاض
عجبى!!!!!!!!

كام اشتغلت يا نيل فى نحت الصخور
مليون بئونة والف مليون هاتور
يا نيل انا ابن حلال ومن خلفتك
ولية صعيبة على بس الامور
عجبى!!!!!!!

وانا فى الضلام ...من غير شعاع يهكتة
اقف مكانى بخوف.....ولا اتركة
ولما يجى النور واشوف الدروب
احتار زيادة ايهم اسلكة ؟؟؟؟؟؟
عجبى!!!!!!!!

عجبتنى كلمة من كلام الورق
النور شرق من بين حروفها وبرق
حبيت اشلها فى قالبى قالت حرام
ده انا كل قلب دخخلت فية اتحرق
عجبى!!!!!!!!

لا تجبر الانسان ولا تحيرة
يكفية ما فبة من عقل بيحيرة
اللى النهردة بيطلبة ويشترية
هو اللى بكرة هيشتهى يغيرة
عجبى!!!!!!!!

الدنيا اوضة كبيرة للانتظار
فيها ابن ادم زية زى الحمار
الهم واحد والملل مشترك
ومفيش حمار بيحاول الانتحار
عجبى!!!!!!!!!

ضريح رخام فية السعيد اندفن
وحفرة فيها الشهيد من غير كفن
مريت عليهم قلت ياة للعجب
لتنين ريحتهم لها نفس العفن
عجبى!!!!!!!!!!

كان فى زمان سحلية طول فرسخين
كهفين عيونها وخشمها بربخين
ماتت لكن الرعب لم عمرة مات
مع انة فات بدل التاريخ تاريخين
عجبى!!!!!!!!!

انا قلبى كورة والفراودة اكم
ياما اتنطح وانشاط وياما اتعكم
واقولة كلة هينتهى فى المعاد
يقول بسعتك ؟ ولا بساعة الحكم؟

قالوا الشهيق بيمص دم الشهيق
والناس مهياش ناس بحق وحقيق
قلبى رميتة وجبت غيرة حجر
داب الحجر ورجعت قلبى رقيق
عجبى!!!!!!!!

احب اعيش كما اعيش فى الغابات
اصحا كما ولدتنى امى وابات
طائر حيوان حشرة بس اعيش
ما احلا الحيات حتى فى هيئة نبات
عجبى!!!!!!!!

سهير ليالى وياما لقيت وطفت
وف ليلة كنت راجع قمت شفت
الخوف كئنة كلب سد الطريق
كنت عايز اقتلة بس خفت
عجبى!!!!!!!!!

غمست سنك فى السواد يا قلم
علشان ما تكتب شعر يقطر الم
مالك جرالك اية يا مجنون ولية
رسمت وردة وبيت وقلم وعلم
عجبى!!!!!!!!!!

اوصيك يا ابنى بالليل والزهور
اوصيك بليل القاهرة المسحور
وان جيت فى بالك اشترى عقد فل لأى سمرة
وقبرى اوعاك تزور
عجبى!!!!!!!!!

انا شاب وعمرة ولا الف عام
وحيد ولكن بين ضلوعى زحام
خايف ولكن خوفى منى انا
اخرس ولكن قلبى مليان كلام
عجبى!!!!!!!!

انا قلبى كوكب وانطلق فى المدار
حوليكى يا محبوبتى يا نور ونار
يلف مهما يلف ما بيكتفيش
وتملى نصة ليل ونة نهار
عجبى!!!!!!!!

عجبى على العجيب العجاب
لما الحقيقة تطل بعد احتجاب
وتروق وتحلا وفجأة تصبح مفيش
كمثل طراطيش بحر ياما خد وجاب
عجبى!!!!!!!!

لية يا حبيبى ما بينا ديما سفر
دة البعد زنب كبير لا يغتفر
لية يا حبيبى ما بينا دايما بحوار
اعدى بحر الاقى غيرة اتحفر
عجبى!!!!!!!!

وقعت بين شطين على قنطرة
الصدق فين والكدب فين يا ترى
محتار اموت الحوت خرجلى وقال
هو لكلام يتقاس بالمسطرة
عجبى!!!!!!!!

يا نجمنورك لية كدة بيرتجف
هوانت قنديل زيت؟او تختلف؟
انا نجم عالى بس عالى قوى
وكل ما انظر تحت اخاف انحدف
عجبى!!!!!!!!

ورا كل شباك الف عين مفتوحين
وانا وانت ما شين بس يا غرامى الحزين
لو التصقنا نموت بضربة حجر
ولو افترقنا نموت متحسرين
[b ]عجبى!!!!!!!![/size][/b