معنى الجوالة

اولا نحب نرحب بكل الاعضاء الكرام وبس انا قولت احاول اوضح لكم يعني ايه الجواله
بما اننا كلنا في نفس الكلية
اسئلة كتيرة تيجي في دماغ اي واحد اول ما يبص لمكان الجواله ولا لما يشوفهم يقعد يسال نفسة
ايه هما الناس اللي في الجواله اللي قاعدين يغنوا ويطبلوا؟
وقاعدين يبنوا في خشب هما دول مش طليه ولا ايه؟
هم الناس دول مفيش شغلانه وراهم شغلانه ولا ايه ؟
ولا الناس دي مجانين ولا ايه القصة بالظبط؟
اه علي فكرة الكلام دي حقيقي وبيحصل و احب اوضحلكم


يعني ايه الجواله؟

الجوالة
ماهي الا مرحلة من مراحل الحركة الكشفية يعني مثلا الطفل الصغير يدخل فريق
اسمه الاشبال وبعد كده يكبر يدخل مرحلة تانية هي مرحلة الكشافة وبعد كده
كشاف متقدم وبعد كده يبقي اخر حاجه مرحلة الجوالة ودي بقي بتبقي احلي
مرحلة لان الجوال او اللي بيمارس اللعبة دي بيكون فهمها فبيعشها صح
اما بالنسبة للحركة الكشفية كتعريف هي حركة تطوعية تربوية غير سياسية لاتشترط جنس او لون او دين مفتوحه للجميع
طبعا المعني واضح حركة اولا واخير انت بتدخلها بمزاجك مش غصب عنك زي ما سمعت ناس بتقول عليها جيش
تربوية انها بتنمي فيك او فيكي حاجات بتخلي شخصيتك قوية وتزود عندكم نقطة الاعتماد علي النفس وانكم ازاي تكونوا قاده
وملهاش اي شروط لا جنس يعني مفتوحة للولاد وللبنات ولا لون يعني ابيض او اسود زي زمان ولادين يعني مسلم ومسيحي ومفتوحة للجميع يعني
يمارسها اي سن وفي اي مكان



ده
كان اول كلامنا مع بعض وان شاء الله الايام اللي الجاية الناس اللي عايزة
تفهم الجوالة وكل حاجه فيها ان شاء الله ربنا يوفقنا ونقدر نفيدهم علي قدر
المستطاع

.

الموضوع جميل جدا بالنسبة لبداية بس ممكن تشجع الشباب شوية وتكتب عن المواقف الطريفة اللى بيمر بيها الجوالة لان معظم الشباب اول ما بيسمعوا جوالة بيتريقوا على طول

مواقف ازاى طالما قلتى مواقف يبقى اكيد عارفها او عارفة ازاى بتتعمل مش كدة لو عندك حاجة ممكن تصيفيها

هحاول ان شاء الله

ربنا يوفقكم

ويوفقك يا جاسوس
هههههههههههههههه

ميرسي ليك على المعلومات
بس انا بقي اللى هعرفكم اية الجوالة
وان شاء الله هجبلكم اغانى الجواله وغيرها وكل ما يخص الجواله
وانا فى الخدمة

ماشى يا عم زود معلوماتنا

يا رب معلوماتى تعجبكم وعايزة اشوف ردكم ورايكم فيها